Во првиот бран на пандемијата – кашлица, отежнато дишење и губење на сетилото за мирис и вкус беа главните симптоми на болеста КОВИД-19. Работите се променети со делта варијантата.
“Кашлицата и губењето на мирисот и вкусот се поретки, а главоболка, болка во грлото, течење на нос и покачена температура се позачестени“, вели д-р Инџи Јилдирим, специјалист за инфективни болести.
Истражувања спроведени во Велика Британија покажале дека главоболката е симптом број 1 што го пријавувале лицата заболени со делта варијантата на коронавирусот.
Симптомите на настинка како течење на нос и кивање, кои претходно во пандемијата не се сметаа за симптоми на КОВИД-19, се повеќе се пријавуваат како доминантни при инфекцијата. Течењето нос е втор најчесто пријавуван симптом кај комплетно и делумно вакцинираните лица во студијата, а трет најчест пријавуван симптом помеѓу невакцинираните испитаници.
Кивањето е трет најчесто пријавуван симптом на КОВИД-19 кај ревакцинираните лица, а четврт по честота помеѓу делумно вакцинираните пациенти.
“Ако сте вакцинирани иако почнете многу да кивате без некакво објаснување, треба да се тестирате, особено ако живеете со лица кои имаат висок ризик од болеста“, потенцираат стручњаците.
