Туморот на мозок доаѓа во сите облици и големини, а така е и со неговите симптоми.
“Тие првенствено зависат од положбата на туморот. На пример, ако туморот се наоѓа близу до делот на мозокот кој ги контролира рацете или видот, симптомите може да вклучуваат трнење или замаглен вид“, вели неврохирургот Теодор Шварц.
Тој вели дека ако се земе предвид дека секоја клетка во мозокот може да стане тумор и дека мозокот ги контролира информациите од секој дел од телото, пописот на потенцијални симптоми на туморот може да биде бесконечен. Сепак, некои знаци и симптоми се почести од останатите.
НАПАДИ
Без разлика на видот на туморот, нападите се често еден од првите знаци дека нешто се случува. “Поради иритација од туморот, невроните се без контрола, и тоа доведува до абнормални движења“, вели Шварц. Како и туморот, и нападите имаат многу облици. Може да се доживее грчење на целото тело или тресење на едниот зглоб или дел од лицето.
НЕСПРЕТНОСТ
Константните проблеми со рамнотежа и сопнување може да бидат знаци за загриженост. Проблемите со говорот, голтањето или контролирањето на изразите на лицето, исто така се еден од симптомите.
ТРНЕЊЕ
Како и кај неспретноста, губењето на осетот во екстремитетите или во делови од лицето, не смее да се игнорира. Ако туморот се формира на самото мозочно стебло, симптомите ќе се одразат на рамнотежата и на трнењето. Причината за тоа е во фактор дека на тоа место мозокот се спојува со ‘рбетниот мозок.
МАЧНИНА
Овде станува збор за мачнина која нема објаснување и која трае подолго време и не попушта.
ПРОБЛЕМИ СО ВИДОТ
Замагленост, двојна слика или губење на видот може да бидат поврзани со туморот, вели неврохирургот и додава дека лицето може да гледа и разни лебдечки облици кои се нарекуват аура.
НЕВООБИЧАЕНИ ГЛАВОБОЛКИ
Иако многумина веднап ги поврзуваат силните главоболки со тумор, тие всушност не се ран показател за болеста, вели д-р Шварц. Главоболката може да се јави кај поголеми тумори, но не е меѓу првите симптоми. Главоболката предизвикана од тумор на мозокот, обично зачестено се повторува или е постојана и не попушта. Често е силна,а може да почне и кај некој кој претходно немал главоболки. Се појавува навечер и е присутна при будење.
