Канадски научници тврдат дека гледањето спортски натпревари ја забрзува работата на срцето исто како и вежбањето во теретана. Меѓутоа, и покрај тоа што сите после ова ќе помислат дека со напнатото гледање натпревар ќе изгубат и некој вишок килограм, сепак, овој пат, тоа не е така.
Стручњаците предупредуваат дека лицата кои следат спорт имаат поголем ризик од кардиоваскуларни заболувања. Како што покажале истражувањата, возбудата при гледање на акцијата на омилената екипа, ја забрзува работата на срцето, што го оптеретува целокупниот кардиоваскуларен систем.
Со анализи, научниците дошле до заклучок дека за време на гледање на натпревар, ритамот на срцето се зголемува за 75%, додека при вежбање тој процент изнесува 110%.
Поради ова, лицата кои имаат срцеви заболувања, треба да избегнуваат гледање спортски манифестации, бидејќи може да го загрозат здравјето.
