Во глуварчето се наоѓаат витамините А, Ц и Б, каротиноиди и тритерпенски алкохол. Од минерали богат е со железо, магнезиум, фосфор, натриум, сулфур, манган и ензими.
Со години глуварчето се користи поради неговите лековити својства. Примарно, се користи како природен чистач на организмот од токсини и како поддршка за здравјето на црниот дроб и на бубрезите. Освен тоа, оваа билка има диуретско и лаксативно дејство. Се користи како стимулатор на апетитот, во поддршка на намалување на болките во желудникот и регулирање на хормоналната нерамнотежа.
Глуварчето е богато со калциум кој е основен минерал за раст и цврстина на коските. Поради изобилието на антиоксиданти и лутеолин, се користи и како заштита од оштетувањата на коските поврзани со стареењето.
Антиоксидантите во него ја одржуваат и оптималната работа на црниот дроб, со што глуварчето овозможува правилен проток во жолчката. со стимулација на работата на црниот дроб и подобрување на варењето на храната се намалува ризикот од запек, но и појавата на низа гастроинтестинални тегоби.
Сокот од глуварче помага во поттикнување на работата на панкреасот во производството на инсулин, со што се одржува ниско ниво на шеќер во крвта. Дополнително, со оглед на неговите диуретски својства потикнува и излачување на урина, што истовремено го забрзува исфрлањето на вишокот шеќер од организмот, што им помага на лицата со дијабетес во регулирање на шеќерот во крвта.
