Хиперпигментацијата е нарушување на бојата на кожата кое се карактеризира со темни области на кожата и е предизвикано од зголемување на количината на меланин, темниот пигмент на кожата.
Изложеност на сончева светлина, бременост, одредени болести, старост или траума може да доведат до нарушувања во нивото на меланинот и да создадат неестетски кафеави точки, кои се карактеристични за ова бенигно нарушување.
Точните причини може да се поделат на две групи: надворешни и внатрешни.
Надворешни причини може да бидат оние кои доаѓаат од околината, како што се изложеност на сончеви зраци или хемиски соединенија (бетаксолол, миноциклин, естроген, прогестерон итн.), додека внатрешните причини се наследени, а лицата со потемна кожа имаат поголема тенденција да го развијат ова нарушување.
Пегите, старечките дамки и дамки од сонцето се предизвикани од штетните ултравиолетови зраци на сонцето, кои го оштетуваат меланинот и предизвикуваат привремена или трајна дисколорација.
Често такви дамки може да забележите на лицето и рацете, меѓутоа, тие може да се појават на кој било дел од кожата кој бил изложен на сонце.
Лузни од траума или операција, исто така, може да предизвикаат промена на бојата на кожата, па дури и кога проблемот исчезнува, темните места остануваат.
Мелазма е хиперпигментација на кожата која се јавува во текот на бременоста, иако понекогаш може да се појави и кај мажите. Кафеавите дамки го покриваат лицето – претежно носот и образите, а ова нарушување обично поминува само од себе по бременоста и не предизвикува поголеми проблеми.
РЕЦЕПТ: Природен лек против хиперпигментација, дамки, пеги
Земете 1 лажичка куркума во прав. Додадете 1 лажичка сок од лимон. Добро измешајте и нанесете на зафатените области. Оставете 15 минути да се исуши, па исплакнете со ладна вода. Не ја изложувајте кожата на сонце веднаш по третманот! Се препорачува употреба пред туширање. Повторувајте еден или два пати секој ден се додека не забележите видливо подобрување.
*Лимонот ја избелува кожата, а заедно со куркумата делува противвоспалително и ја прави кожата сјајна.
