Престојот во климатизирана просторија за време на спарни и топли денови, создава чувство на пријатност и пружа подобри услови за работа. Сепак, многу луѓе се прашуваат како климата влијае врз човековото здравје. Ова се неколку совети како да ги користите разладните уреди, а да не си наштетите на здравјето.
Разлика од шест степени – Клима уредите се корисни, особено за лицата со срцеви заболувања, но само ако правилно се користат. Разликата меѓу надворешната температура и онаа во просторијата не смее да биде поголема од шест степени. Ако температурните разлики се големи, може да дојде до промена на кардиоваскуларниот систем, па дури и млади, здрави личности може да почувствуваат последици.
Постепено ладење – Доколу надвор е 38 степени, тешко дека ќе се чувствуваме пријатно ако во просторијата е 32 степени. Тајната е во постепеното ладење и привикнување. Температурата на клима уредот треба постепено да ја намалуваме, но никако под 24-26 степени. Тоа е оптималната температура на која организмот совршено функционира. Се што е пониско од тоа, не е здраво за човечкото тело.
Опасности – Клима уредите треба редовно да ги одржувате и чистите, барем еднаш годишно. Со нередовно одржување, со време на филтрите се насобира прашина, бактерии, габи, инсекти, полен итн, а последици од тоа се солзење, течење на носот, чешање, главоболки, кашлање, алергиски промени на кожата, алергии на дишните патишта, настинки, а во потешките случаи може да се развијат некои хронични болести. Најчесто се јавува кај лица кои престојуваат долго време во просторија каде што климата не е исчистена.
„Болни“ уреди – Ако на работното место забележите хроничен конјунктивитис, воспаление на органите за дишење, назофарингитис или алергиски напади, можно е причина за тоа да се неисчистени клими. Обратете се до надлежните за веднаш да се исчистат филтрите на клима уредите.
Во автомобил – По влегувањето во врелиот автомобил, веднаш ја вклучуваме климата на многу ниска температура. Внимавајте! Значи, при влегување во автомобилот, најпрво отворете ги прозорците да се смени воздухот, па по кратко време, додека возите затворете го прозорецот и уклучете го клима уредот. Најпрво ставете на повисока температура, па постепено намалувајте ја.
А ноќе? – Додека спиете никако немојте да корстите клима уред. Подобро е, а и поздраво е, навечер да отворите прозорец. Ако така ви е топло, вклучете клима, но не на пониска температура од 26 степени.
