Лубеницата во себе крие нутриенти, витамини, минерали и антиоксиданти. Главна состојка на лубеницата е водата и тоа дури 90 проценти, што ја прави исклучително корисна за жешките летните денови бидејќи ќе спречи дехидрација. Таа содржи антиоксиданти кои од организмот ги елиминира молекулите наречени слободни радикали кои телото ги произведува по природен пат, а може да се развијат и како последица на пушењето, загадувањето и стресот.
Премногу слободни радикали во телото може да предизвикаат штета на ниво на клетките и да доведат до појава на разни болести. Иако делумно организмот може сам да се ослободи од нив, потребна е помош во вид на исхрана. Лубеницата е една од намирниците која помогаат во тоа.
АСТМА
Некои стручњаци веруваат дека слободните радикали придонесуваат за развој на астма, а присуството на витамин Ц во белите дробови може да го намали ризикот. Храната богата со витамин Ц, а не суплементите, може да помогне. 150гр лубеница обезбедува 12мг витамин Ц, што е околу 14% од потребниот дневен внес.
КРВЕН ПРИТИСОК
Студија открила дека екстрактот од лубеница го намалува крвниот притисок кај лицата кои имаат вишок килограми. Се смета дека за тоа се одговорни Л-цитрулинот и Л-аргининот, два антиоксиданта кои се наоѓаат во лубеницата. Ликопенот, уште антиоксидант од лубеницата може да штити од развој на болести на срцето. Фитостеролите се уште една активна состојка на лубеницата кои го регулираат лошиот холестерол, што спречува развој на кардиоваскуларни заболувања.
ДИГЕСТИЈА
Содржи многу вода и влакна, а токму тие состојки промовираат добро дигестивно здравје и спречуваат појава на опстипација (запек).
ХИДРАТАЦИЈА
Со оглед дека содржи 90% вода, лубеницата нуди електролити како калиум.
МОЗОК И НЕРВЕН СИСТЕМ
Колинот е уште еден антиоксидант кој се наоѓа во лубеницата, а влијае на:
- Работата на мускулите
- Помнењето
- Преносот на импулси од нервниот систем
- Ран развој на мозокот
Колинот може да помогне при забавување на развојот на Алцхајмерова болест.
ДИУРЕТИК
Лубеницата може да биде еднакво ефикасна како некои лекови чија цел е исфрлање на вишокот течности од организмот. Но, без консултација со лекар, не ги заменувајте лековите со лубеница!
