Според најновото истражување, просечен рачен часовник содржи три пати повеќе бактерии од просечна тоалетна школка. Истражувањето го спровела компанијата „Tic Watches“, а часовниците биле тестирани на различни видови бактерии, габи и мувла. Биле тестирани 10 различни видови часовници, а највалкан бил оној за фитнес кој се покажал дури за 8 пати повалкан од тоалетната школка. Најчист се покажал кожениот часовник.
Даниел Ричмонд, директор на „Tic Watches“ рекол дека часовниците би требало да се чистат барем еднаш месечно. Без оглед на тоа колку пати дневно ги миеме рацете, часовниците тогаш не се чистат и остануваат валкани. Особено се валкани оние кои не се водоотпорни и чии сопственици одбегнуваат каков било контакт на часовникот со вода. Затоа би требало добро да се исчисти „алката“ на часовникот, зависно од материјалот од кој е направена. Металните часовници можат добро да се исчистат со вода и сапун со помош на четкичка, додека за кожените најдобро е да се употреби малку оцет. Главата на часовникот можете да ја исчистите со влажна крпа или антибактериско шамиче.
