Едно од шест лица во светот во својот животен век доживува мозочен удар. Секоја втора секунда мозочниот удар погодува една личност без оглед на годините и полот, а на секои 6 секунди некој умира како последица од тоа.
Симптоми на мозочен удар
Мозочниот удар настанува поради пореметување на протокот на крв во мозокот. Се проценува дека мозочниот удар може да предизвика инвалидитет кај две третини од лицата. Времето кое е потребно за рехабилитација најмногу зависи од тежината на ударот, а само петтина од преживеаните успеале во целост да ги вратат нормалните функции на организмот. Еден од најголемите проблеми во врска со оваа болест е тоа што симптомите се толку општи што луѓето најчесто не ги забележуваат.
Најчестите симптоми на мозочен удар вклучуваат:
- слабост на лицето, рацете или нозете – особено само од едната страна на телото;
- збунетост која нагло исчезнува;
- потешкотии со говорот и разбирањето;
- нагли проблеми со видот;
- нагла вртоглавица, губење на рамнотежа или координација;
- силна главоболка.
Прашања кои го олеснуваат препознавањето на мозочен удар
Трагедиите најчесто настануваат кога луѓето не се во состојба да препознаат дали станува збор за мозочен удар. За жал, последиците од ударот можат да бидат тешки и затоа е потребно да обрнете внимание на следните прашања кои треба да ги поставите кога се сомневате дека некој доживува мозочен удар:
– Замолете ја личноста да се насмее. Доколку процените дека мускулите на едната страна на лицето се опуштени, можно е да станува збор за мозочен удар.
– Замолете ја личноста да ги крене рацете пред себе. Во случај на мозочен удар, личноста нема да може да ги крене двете раце.
– Замолете ја личноста да изговори едноставна реченица, како на пример, „Добар ден.“ Обратете внимание на зборувањето – доколку забележите нејасен изговор, задолжително повикајте итна помош.
