Стоматолозите препорачуваат секојдневно миење на забите најмалку два пати: наутро и навечер, а уште подобро е ако ги миете после секој оброк.
Редовното миење на забите за повеќето луѓе е прашање на навика, па без проблем ги мијат забите двапати дневно. Некои редовно ги мијат забите затоа што сакаат да имаат убава насмевка, други се грижат за здивот, а има и онакви кои редовно ги четкаат и употребуваат забен конец со примарна цел – да не мора да посетуваат стоматолог.
Да се разбереме: миењето на забите не е важно само поради бисернобелите заби и свежиот здив. Ако го прескокнете четкањето, го стимулирате создавањето на дентален плак (забни наслаги со бактерии), што доведува до создавање на кариес и заболување на непцата. Со редовното четкање, вие им „попречувате“ во работата, односно ги отстранувате бактериите кои потоа не можат да ги нападнат забите и непцата.
-
Насобирањето на дентален плак, кој се создава поради нередовното миење на забите, е всушност онаа тврда жолта наслага, која може да ја почувствувате кога ќе поминете со јазикот преку забите, а која може и да предизвика различни воспаленија и крвавење на непцата. Трајното избегнување на миење на забите создава ризик од нивно целосно губење
Треба да се има на ум и дека неправилното миење, односно краткото четкање со рамномерни движења, не го отстранува плакот, па, исто така, може да се предизвика штета. Затоа дневната рутина со не многу тврда четка и паста за заби што содржи флуор, е пожелна и неопходна за сите.
Покрај тоа, четкањето треба да трае околу две минути при што треба да се исчистат сите заби, а не само деловите кои се гледаат кога се смееме
Немојте да се залажувате мислејќи дека гумите за џвакање и ментол бонбоните го отстрануваат плакот. Само четкање два пати во денот и чистење на забите со забен конец еднаш дневно, како и редовна посета на стоматолог ќе ги одржат вашите заби здрави и бели, пишува „Everyday Health“.
