Срцевиот ритам се одредува со мерење на бројот на срцеви отчукувања во минута, зависи од возраста на лицето и се менува во текот на денот, во зависност од активностите. Со следење на отчукувањата на срцето може да се откријат кардиоваскуларни заболувања.
Ритамот на срцето се успорува во староста додека децата обично имаат побрз ритам. Физичкиот напор и стресните ситуации може да ја забрзаат работата на срцето, поради што отчукувањата на срцето треба да се мерат додека е телото во мирување.
Забрзана работа на срцето
Забрзана работа на срцето или тахикардија подразбира зголемување на срцевата фреквенција. Кај возрасни лица нормално е 65-85 отчукувања, додека кај спортисти изнесува и помалку. Ако се зголеми на 100, се работи за пореметување на срцевиот ритам, кое може да биде краткотрајно или долготрајно.
До тахикардија може да дојде поради неколку причини, како што се:
- срцев удар;
- стрес;
- анемија;
- вирусно воспаление на срцето;
- стеснување на крвните садови;
- висока температура;
- хипертироидизам.
Аритмија на срцето може да има и кај лица со нормален крвен притисок, но аритмијата која не се лекува може да резултира со висок притисок
Сите кои имаат проблеми со забрзана работа на срцето може да почувствуваат симптоми како што се:
- брз замор;
- несвестица;
- вртоглавица;
- општа слабост.
Успорена работа на срцето
Успорена работа или брадикардија подразбира состојба под 60 отчукувања во минута. Додека кај постарите луѓе тоа е нормална состојба, кај останатите може да биде резултат на здравствени проблеми. До бавна работа на срцето може да дојде поради неколку причини како:
- употреба на несоодветни лекови,
- хипотироидизам.
Нормални отчукувања на срцето во минута
Кај здравите индивидуи во зрели години за нормално се смета 60-80 отчукувања во минута, додека спортистите имаат пониски вредности, па кај нив изнесува од 40 до 60 отчукувања. Кај трудниците е присутна благо покачена работа на срцето.
За време на физичка активност отчукувањата на срцето се движат меѓу 120 и 130, а дебелите луѓе имаат поголем број на отчукувања.
Крвниот притисок и отчукувањата на срцето
Крвниот притисок се однесува на силата со која тече крвта низ крвните садови, додека отчукувањата на срцевиот мускул се однесуваат на контракциите. Забрзаното отчукување на срцето не мора да го зголеми крвниот притисок. Исто така, оние со нормален крвен притисок не мора нужно да имаат нормален број на отчукувања.
Се покажало дека аритмија на срцето може да има и кај лица со нормален крвен притисок, но аритмијата која не се лекува може да резултира со висок притисок. Поврзаноста помеѓу работата на срцето и крвниот притисок може да варира од личност до личност, а се зависи од начинот на живот и физички предиспозиции.
