Дали е можно да се поправи штетата што му е нанесена години наназад на организмот, поради лошата исхрана? Годините на лоша исхрана не може да се поправат, но може значително да се намали ризикот од срцев или мозочен удар со промена на начинот на живот.
Избегнување вежби
Во дваесетите години често, наместо здрава, бираме брза храна и помфрит. На оваа возраст, неброено број пати се почнуваат диети со изгладнување, се одбира и не така здравиот начин на живот и многу пати се избегнува физичката активност и се заменува со лежење. Во позрели години, се согледува штетата, но останува прашањето може ли таа да се поправи и работите да се вратат од почеток. Може ли да се поправат запушените артерии, односно атеросклерозата и да се намали ризикот од срцеви болести во иднина?
Некои студии сугерираат дека е можна регресија на атеросклерозата. Тие студии ги следеле ефектите од вежбањето, сериозните и интензивни промени на начинот на живот и користењето на лекови. Нивните резултати даваат надеж дека може да се поправи штетата што сме ја направиле во младоста, но тоа не е толку лесно.
Намалување на ризикот
Студиите покажуваат дека промените кои мора да се направат за подобро здравје, се многу потешки, отколку што тоа изгледа. Иако подобрување на состојбата теоретски е можно, реално, не е најпаметно да се фокусира исклучиво само на тоа. Целта треба да биде стопирање на напредувањето на атеросклерозата и превенција од последиците од срцев или мозочен удар. Постојат докази дека прилагодувањето на начинот на живот и лековите може да ги намалат ризик факторите.
Внимавајте на чинијата
Здравата исхрана е најдобар начин за спречување на кардиоваскуларните болести. Медитеранската исхрана, многу зеленчук, здрави масти, јаткасти плодови и риба… се ова е поврзано со помал број на заболени од кардиоваскуларни болести.
Намалување на холестеролот
Редовно проверувајте ги вредностите на холестеролот. Ако е висок, можеби би требало да превземете нешто, да го промените начинот на исхрана или да земате статини или други лекови по специјалистичка препорака. Статините се ефикасни и го намалуваат ризикот од инфаркт и мозочен удар и кај двата пола. Лекарот е тој кој ќе го процени ризикот, и ќе ви каже дали и што треба да земате.
Внимавајте на тежината
Некои од начините за намалување на ризикот од кардиоваскуларни болести се одржување на здрава телесна тежина и физичка активност. Овие два чекори го намалуваат и ризикот од диијабетес тип 2. Дијабетесот е главен ризик фактор од срцеви болести, па превенцијата мора да биде највисок приоритет.
Престанете да пушите
Ако пушите, обидете се што побрзо да престанете. Никогаш не е доцна за здрави промени во начинот на живот. Многу е важно да не се откажете по само седум дена, бидејќи пушењето е виновник за големата смртност предизвикана од кардиоваскуларните болести.
