Спроведена е во Америка и открива дека околу 40 проценти од населението во екот на пандемијата лажеле за тоа да имаат болест предизивикана од коронавирус или за тоа не ги следеле препораките на експерите. Студијата контролирала 1.700 лица од кои 271 или погрешно ја интерпретирале својата состојба поврзана за КОВИД или лошо ги следеле советите на експерите за заштита од вирусот.
Тие ги игнорирале правилата за карантин, некому кажале дека ги следат сите заштитни мерки иако не ги почитувале, а можеби и не споменале дека имаат КОВИД кога влегле во лекарска ординација. Невистини кажувале и за вакцинацијата, па некои тврделе дека биле вакцинирани иако не биле, се открива студијата.
ЗОШТО ЛАЖЕЛЕ?
Најчесто се истакнувала една причина зошто ја прикривале вистината: сакале нормално да уживаат во својата слобода.
“КОВИД-19 и мерките за заштита можат да бидат товар, но тие функционираат“, изјави еден од авторите на студијата, д-р Андреа Гурманкин Леви, а нејзината колешка додава дека резултатите од оваа студија будат сомнеж дека избегнувањето на правилата, како носење маска или избегнување големи собири, може само да го продолжи проблемот и инфекцијата може да продолжи да се шири.
“Некои мислат дека ништо страшно нема да се случи ако не го признаат својот статус поврзан со КОВИД еднаш или двапати. Но, како што открива студијата, речиси половина од населението го прави тоа, што е голем проблем што може само да го продолжи времетраењето на пандемијата. “, додава д-р Фагерлин.
Покрај слободата, која многу им значи, како причини навеле и дека не мислеле дека КОВИД е голем проблем, не се чувствувале лошо, не смееле да изостанат од работа, ги следеле советите на некоја позната личност, и на крај – сметале дека тоа не е ничија работа.
Јасно е дека таквото однесување може само да го поттикне ширењето на болеста во заедницата, а за некои луѓе болеста, пред вакцините, лесно можеше да значи смрт, објаснува д-р Леви во извештајот.
Околу 60 отсто од испитаниците изјавиле дека побарале лекарски совет во врска со превенцијата и лекувањето, а студијата открила дека лицата кои често погрешно ја интерпретирале нивната состојба многу не веруваат во науката, а политичките убедувања и религијата не се откриени дека се поврзани со оваа студија. Научниците не се сигурни дали испитаниците ја кажувале вистината, а резултатите може да потценат колку често луѓето всушност биле неискрени околу нивната здравствена состојба.
“Оваа студија ни открива и што ги загрижува луѓето по прашање на мерките наметнати за време на пандемијата и колку се искрени во екот на глобалната криза. Овие сознанија ќе ни помогнат да се подготвиме за некој нов бран на болести што ќе влијае на целиот свет“, наведува еден од авторите на студијата д-р Алистер Торп.
