Истражување во кое учествувале 2000 жени, покажало дека кај дури 21% од жените, цистите на јајчниците минуваат спонтано во период од две години. Исто така, во текот на следењето од 27 месеци, воочено е дека инвазивна малигна творба или граничен тумор се појавил кај помалку од еден процент од жените. Што се однесува до торзија и пукање на цистите, до тоа дошло кај помалку од еден отсто од следените случаи.
Резултатите од ова истражување укажуваат дека повеќето жени со цисти на јајчниците можат безбедно и сигурно да се следат низ подолг временски период.
Исто така, стручњаците се надеваат дека овие резултати ќе доведат до помал број на операции за неканцерогени цисти на јајчниците, по услов со ултразвулен преглед проверено да се исклучи карцином.
Треба да се истакне дека жените со симптоматска маса на јајникот, веројатно имаат корист од операција или упатување кај гинеколошки онколог, ако постои сомнеж за малигнитет.
Со помош на ултразвук може на сигурен и релативно евтин начин да се утврди дали станува збор за бенигна или малигна лезија на јајникот. Хируршкото отстранување на асимптоматски цисти на јајчниците е скапо и носи ризик од компликации.
