Првиот тест на урината за рано откривање рак на панкреас пред појавата на симптомите на смртоносната болест покажуваат дека за 60 отсто може да се зголемат шансите за преживување на заболените, предвидува научничката која десет години работела на ова истражување. Заболените од рак на панкреас имаат најмала стапка на преживување и само пет отсто од пациентите преживуваат пет години по дијгнозата.
Научниците се надеваат дека тестотот може да ја зголеми стапката на преживување на „тивкиот убиец“, каков што е ракот на панкреас кој често се дијагностицира прекасно, во отприлика 60 отсто од случаите. Првите испитувања, а се покажале точни во 90 отсто од случаите, покажале дека тестот може да предупреди на појавата на болеста години пред појавата на симптомите.
Резултатите се готови во рок од 24 часа и водечките хуманитарни здруженија за рак го поздравиле тестот како исчекор „очајнички потребен“ во борбата против оваа болест. Професорката Татјана Црногорац – Јурчевиќ работела десет години на развојот на овој тест кој допрва треба да добие име.
„Ракот на панкреаст, веројатно, расте десет години или подолго, и затоа тестот кој би можел да ја открие болеста отвора голем прозорец на можности, рекла Црногорац – Јурчевиќ за „Mail Online“.
Со тестот се мерат три протеини – LYVE1, TFF1 i REG1B – кои се излачуваат во телото при рак на панкреас и се присутни во урината.
„Неинвазивниот тест кој може да помогне во раната дијагноза очајнички е потребен ако се надеваме на поголема стапка на преживување на пациентите во следните децении“, рекол доктор Крис Макдоналд, од Истражувачкиот центар за рак на панкреас.
Тој напоменува и дека „ракот на панкреас е неверојатно вешт во прикривањето и неговите нејасни симптоми како болест на грбот или лошо варење, се голем предизвик за лекарите. Пречесто болеста доаѓа незабележително се додека не биде трагично прекасно за пациентите.“
Затоа тестот на урина е добар пример на иновативно истражување, оценил Макдоналд, затоа што ракот на панкреас е „облик на рак кој убива најбрзо, а децениското недоволно финансиско вложување во истражувањата се причина заради која досега не е остварен напредок кој очајнички ни е потребен.“
