Научниците од Универзитетот во Бон откриле дека окситоцинот може да помогне во борбата против стравот. Овој хормон игра значајна улога во мајчинството (предизвикува лактација, односно создавање млеко кај мајките), а според студијата објавена во магазинот Biological Psychiatry, окситоцинот редуцира и анксиозност.
За време на истражувањето научниците индуцирале страв кај 62 мажи, креирајќи страв и евоцирање страв за одредени слики. На крајот на овој дел од истражувањето, се мерел нивниот страв и се скенирал мозокот со прикажување на делот кој регистрира страв. После првата фаза од истражувањето половина од мажите добиле доза на окситоцин со вбризгување преку нос, а потоа им биле покажувани сликите кои претходно предизвикувале страв кај нив. На почетокот нивниот страв бил зголемен, но после неколку минути активноста на амигдалата (емотивниот центар во мозокот) кај мажите кои примиле окситоцин, била пониска од остатокот на групата, како и потењето кое се јавувало како резултат на стравот.
„Природниот процес на надминување на стравот вклучува подолг психолошки процес кој се нарекува „изумирање“ за време на кој луѓето со текот на времето научуваат дека прекинувачот за страв не означува и непосредна опасност. Со помош на окситоцинот, субјектите го завршиле овој процес на изумирање за 15 минути или помалку. Во типичната фаза на изумирањето групата која не примала окситоцин, можела да го редуцира стравот во рок од половина час“, вели авторот на студијата и докторант по психологија Моника Екстајн.
Екстајн верува дека окситоцинот со терапија може да го забрза процесот на „изумирање“ на подлабоките стравови.
