Траумите од детството имаат неверојатно влијание на речиси сите сегменти од животот на лицето кое ги доживеало. За жал, тоа може да влијае и на тоа како лицето комуницира, се однесува и дали има самодоверба. Најголема трага ќе остават траумите предизвикани од насилство, бидејќи лицето ќе доживее неверојатна болка, но и реални здравствени последици.
Нова, голема студија објавена во списанието Journal of Neurology Neurosurgery & Psychiatry во која учествувале 78 илјади Норвежанки, открила дека негативните искуства од детството, особеноо изложеноста на емоционално, сексуално и физичко насилство, може да придонесат за ризик од мултипла склероза (МС). Мултипла склерозата е најчеста хронична инфламаторна демиелинизирачка болест на централниот нервен систем. Имуниот систем на телото погрешно ги напаѓа нервните клетки, уништувајќи го заштитниот слој на миелинот што ги опкружува, што може да доведе до хронична болка, грчеви во мускулите, вкочанетост, па дури и губење на видот.
“Насилството, запоставувањето и дисфункционалноста во семејството се екстремни видови на стрес“, се наведува во медицинското истражување што го водела проф. Карин Еид. Токму овие видови на стрес се оние кои може да бидат ризик фактори.
Хроничниот стрес негативно влијае на менталното и физичкото здравје, а стресните настани можат да бидат тригер за воспаленија кај луѓето со мултипла склероза.
