Како што чиниите не наведуваат повеќе да јадеме (па затоа се советува да јадете од помали чинии ако сакате да загубите некој килограм), така и поголемите чаши водат кон консумирање на поголеми количества алкохол.
Така на пример, ако пиете вино од големи чаши, многу е веројатно дека ќе испиете повеќе. За да дојат до овој заклучок група британски научници спровеле истражување во еден бар каде на гостите вино им се служело во чаши од 250, 300 и 370 мл. На крајот било утврдено дека гостите на кои им било служено вино во најголеми чаши (370 мл) испиле за 9, 4 отсто повеќе вино отколку останатите, односно оние кои пиеле во помали чаши.
Постојат две објаснувања за оваа појава: можно е луѓето побрзо да пијат од големи чаши затоа што имаат впечаток дека во чашата имаат помало количество пијалак. Или, пак, едно исто количество пијалак послужено во поголема чаша може да изгледа помало, па луѓето затоа имаат впечаток дека не испиле полна чаша и имаат потреба да нарачаат уште една тура.
