Светот го тресе фудбалска треска! Одбројувањето до моментот кога ќе го дознаеме новиот светски шампион може да започне! Уште малку останува до крајот на Светското првенство во фудбал во Русија.
Најважната споредна работа на светот, омилената тема на мажите, а се повеќе и на жените, фудбалот има бројни придобивки по здравјето. Дали сте знаеле дека луѓето кои рекреативно се занимаваат со фудбал имаат понизок холестерол, крвен притисок, помалку масно ткиво, повеќе мускули…
Имено, истражувањата покажале дека фудбалот во споредба со другите видови на вежби, како што е, на пример, трчањето, е подеднакво корисен за здравјето, но има и дополнителна, мотивациска компонента, која е добра за психата, пишува „British Journal of Sports Medicine“.
Луѓето кои просечно играле фудбал три часа неделно во период од три месеци загубиле 3,32 килограми масти и добиле 1,68 кг мускули. Нивото на лошиот холестерол (ЛДЛ) се намалил, играчите имале подобра рамнотежа, го намалиле бројот на отчукувања на срцето и ја подобриле инсулинската сензитивност
„Фудбалот е ефективна превентивна мерка со широк распон и лек за болести, кои се последица на животниот стил, за оние кои го практикуваат, независно од годините, полот, нивото на физичка кондиција и фудбалски вештини“, изјавил лидерот на истражувањето Питер Круструп, професор по спорт и здравствени науки на данскиот Универзитет во Оденсе.
Го намалува високиот притисок
И претходните истражувања покажаа дека фудбалот има добар ефект врз крвниот притисок, а посебно е добар за оние кои страдаат од висок крвен притисок. Пулсот во мирување кај рекреативни играчи е околу шест отчукувања понизок отколку кај неактивни лица.
Жените кои играат фудбал се зближуваат за време на играта и создаваат заеднички приказни, наместо да се концентрираат на индивидуални работи. Кај мажите е забележано дека се помалку загрижени кога играат фудбал, а децата кои се занимаваат со овој тимски спорт се добро интегрирани социјално, имаат пријатели, помалку проблеми со нивните родители, а поради телесната форма немаат проблеми со дебелината и дијабетесот.
Луѓето кои просечно играле фудбал три часа неделно во период од три месеци загубиле 3,32 килограми масти и добиле 1,68 кг мускули. Нивото на лошиот холестерол (ЛДЛ) се намалило, играчите имале подобра рамнотежа, го намалиле бројот на отчукувања на срцето и ја подобриле инсулинската сензитивност. Фудбалот, исто така, влијае на густината на коските, и на тој начин штити од фрактури и остеопороза.
