![GRAV](https://panacea.mk/wp-content/uploads/2018/12/GRAV.jpg)
Гравот е растение кое го подобрува здравјето на срцето. Оваа мешунка е богат извор на диетални влакна кои помагаат во намалување на нивото на холестерол и создаваат фолна киселина, а тоа се процеси кои се клучни за зачувување на здравјето на крвните садови.
Оваа намирница е одличен извор и на магнезиум, кои покрај сите позитивни ефекти, се смета и за антистрес минерал кој е важен за работата на мускулите и нервниот систем.
Исхраната која е богата со грав му помага на организмот во претворање на шеќерите во искористлива енергија. Освен тоа, гравот бавно се вари, што значи дека нуди подолго чувство на ситост со што се намалува потребата за внес на непотребни калории. Гравот, како и останатите мешунки, е одлична замена за месото, бидејќи содржи огромен процент на протеини.
Истражувањата покажале дека гравот ја намалува можноста за заболување од карцином на дебелото црево, бидејќи успешно ги собира токсините во цревата. При тоа, антиканцерогено дејство повеќе имаат темните видови на грав во однос на белите и жолтите.
Интересно е дека гравот може да помогне и при одвикнување од пушење. Тој ја зголемува базноста во организмот која влијае на помала желба за никотин.
Смирете го нервозниот желудник
Околу 100 гр зрели зрна грав варете ги 30 минути во половина литар вода и при крајот на готвењето додадете малку сол. Процедете и пијте од водата каде се варел гравот еднаш до два пати дневно. Ова е одличен лек за болки во желудникот и стомакот.