За да го одбегнете ова стручњаците препорачуваат избалансирана исхрана, ускладена со циклусот. Одделни производи може да ви помогнат да го одржите саканото ниво на овие елементи и полесно да се изборите со грчевите, главоболката, мачнината, уморот и надуеноста.
Брокулата изобилува со железо, влакна, магнезиум и калиум, кои ја намалуваат надуеноста, го регулираат варењето и ги опуштаат грчевите во мускулите.
Бананите се најдобра ужина која можете да ја изедете во овој период. Богати се калиум, магнезиум и влакна, па ја подобруваат работата на цревата, спречуваат дијареја и ја намалуваат желбата за грицки.
Црното чоколадо содржи многу здрави минерали како железо и магнезиум, како и антиоксиданти кои придонесуваат за подобар проток на крв и опуштање на крвните садови.
Лососот содржи омега-3 масни киселини и е богат извор на протеини, па го намалува воспалението, ублажува грчеви и го регулира циклусот.
Ѓумбирот го намалува воспалението и болките, па затоа во свеж облик додадете го во чај така ќе го намалите непријатното чувство во стомакот.
Портокали и лимон, освен изобилство од витамини содржат и многу железо и вода, што помага при варењето и хидратацијата на организмот. Ја ублажуваат мачнината, како и одливите.
