Земањето на некои медикаменти може да биде контрапродуктивно доколку се пијат истовремено со консумирање на одредени намирници. Секогаш кога треба да се пие некој нов лек, задолжителна е консултацијата со доктор дали треба да се избегнува одреден вид храна, која може да го намали или да го интензивира дејството на лекот.
Некои од намирниците кои не треба да се консумираат со одреден тип на лекарства се:
- Грејпфрут– ова овошје го менува начинот на кој одредени клетки во цревата го прифаќаат и го пренесуваат лекот низ телото. Грејпфрутот може да делува на дејството на повеќе од 50 лекови, од кои на некои им го ослабува, а на некои им го зголемува дејството. Меѓу нив се некои медикаменти за алергија и за намалување на нивото на холестерол.
- Млеко– го отежнува делувањето на антибиотиците, пред сѐ заради присуството на минерали како магнезиумот и калциумот и протеинот казеин.
- Чоколадо– особено темното може да го намали дејството на лековите за смирување или за спиење или да го зголеми дејството на некои стимуланси
- Алкохол– треба да се избегнува особено доколку пиете лекови за срце или висок притисок, бидејќи го анулира нивното дејство
- Кафе– може да го ослабе дејството на антипсихотиците, а да го зголеми дејството на некои лекарства за алергија и на инхалатори
- Витамин К– доколку земате лек за спречување на згрутчување на крвта треба да водите сметка колку витамин К внесувате во организмот
- Гинко – може да го ослабе дејството на некои лекови со кои под контрола се држат епилептичните напади
