Повеќето луѓе прават грешка при готвењето тестенини што предизвикува внесување на многу повеќе калории отколку што мислат, според еден личен тренер.
Топли, вкусни и брзи за подготовка, тестенините се лесен додаток во исхраната на многу луѓе, дури и на оние кои сакаат да ослабат. Во комбинација со зеленчук и здрави протеини, тестенините можат да бидат избалансиран и заситувачки оброк.
Сепак, личниот тренер Том Хал предупредува дека едноставна грешка при готвењето тестенини може да доведе до непланиран внес на калории, што би можело да го отежни губењето на тежината, објавува Metropolitan.si.
Погрешно ги правиш тестенините
Во видео на TikTok, Хал објаснува дека многу луѓе неправилно ги мерат порциите тестенини, што може да доведе до внесување многу повеќе калории отколку што мислеле. Тој вели дека проблемот се јавува затоа што луѓето не се сигурни дали тежината на порцијата наведена на пакувањето се однесува на сува или варена тестенина.
„Можете да видите на пакувањето дека 75 грама сува тестенина обично даваат 180 грама сварена тестенина“, објаснува Хал во видеото.
Како што тој продолжува:
„Веројатно не го читате тоа, но директно преминувате на делот каде што пишува дека 180 грама имаат 286 калории. Потоа мерите 180 грама сува тестенина, што е доста, и мислите дека тоа се 286 калории. Но, треба да измерите 75 грама сува тестенина бидејќи се шири за време на готвењето“, вели тој.
Во видеото, Хал споредува две порции – едната од 75 грама сува тестенина, а другата од 180 грама – што покажува значителна разлика во количината на храна по готвењето. Ако готвите погрешна количина тестенини, предупредува Хал, вашата порција може да надмине 600 калории.
Значи, ако се обидувате да ослабете, последното нешто што го сакате е да јадете премногу тестенини, но овој совет ќе ви ја олесни контролата на порциите.
