Секој го знае правилото дека појадокот е најважниот оброк на основата на денот. Причина – дава ви енергија и сила за телото да се справи со товарот во текот на денот. Околу 80 % од луѓето кои го следат некаков режим на исхрана ослабеле по околу 10 кг, бидејќи обрнувале особено внимание на менито за утринскиот оброк. Појадокот треба да е богат со протеини, здрав и заситувачки и се што е надвор од таа рамка може да ви создаде тешкотии при симнувањето на вишокот килограми.
Користите полномасно млеко
Заборавете на макијато, капучино или какво било друго кафе со полномасно млеко бидејќи така го трупате најголемиот дел од калориите предвидени за тој ден. Наместо тоа користете замена како оризово, бадемово, кокосово или млеко од соја, а кои се посиромашни со масти и подобро се одразуваат на метаболизмот.
Премногу сол
Најдобро е појадокот да не е благ (палачинки со џем, кроасан со чоколада, дури и мусли со мед), бидејќи за само еден час телото повторно ќе сигнализира дека е гладно. Сепак, со солената храна треба, исто така, да бидете внимателни, бидејќи натриумот резултира со подуеност, задржување на гасови и вода, а тоа влијае на метаболичките процеси и метаболизмот. Подобро фокусирајте се на зачини како што се бибер, босилек или користете хималајска сол.
Појадокот е најважен, но не е неопходно да е најобемниот оброк на денот. Важно е да биде богат со протеини, но не треба да го малтретирате организмот нудејќи му петстепено мени во утринските часови, бидејќи нема да може да ги обработи сите производи.
Продукти со влакна
Влакната се корисни за телото и помагаат да се намалат вишокот килограми, но се додека не ги злоупотребувате, бидејќи тогаш тие доведуваат до задржување на гасови, подуеност и нарушен метаболизам. Вметнете ги во менито преку ден, не исклучиво наутро.
Овошје за појадок
Овошјето навистина е полезно за организмот и е важен дел од секоја диета, но тоа не треба да биде основа на појадокот. Причината е во тоа што во него нема протеини, не заситува, некое овошје дури има премногу висока содржина на шеќери и на крајот ќе сакате да направите меѓуоброк за да се најадете.
