Стравот од грип и последиците што може да ги предизвика не се единствени, оти на на оваа вирусна болест и се придружи уште една вирусно чудовиште – КОВИД-19. SARS-CoV-2 и вирусот на грип може да имаат слични симптоми и сличен начин на пренесување на вирусот, но сепак во прашање се два различни типа на вируси кои различно се однесуваат. Со оглед дека борбата со двата вируса истовремено може да биде многу тешка и да донесе тешки последици, треба да се биде свесен за сите симптоми и мерки за заштита.
Како што веќе споменавме, симптомите на двете болести може да бидат слични, па и да го отежнат препознавањето на разликите, затоа можеби ќе биде потребно тестирање за да се потврди дијагнозата.
Светските здравствени стручњаци често напоменуваат дека вакцинацијата против грип може значајно да ја намали смртноста од КОВИД-19, оти борбата против двете болести истовремено, може за поединци да биде претешка и да остави кобни последици.
Иако за симптомите на КОВИД-19 секој ден има нови информации, експертите од центарот за контрола и превенција на болести, нудат краток водич низ сличноститие и разликите помеѓу симптомите на овие две заболувања.
КОВИД-19 И ГРИП
СЛИЧНОСТИ ВО ВИДОТ НА СИМПТОМИ
Кај двете болести, симптоми може да се појават, но и не мора. Заеднички се:
- Температура и треска
- Кашлица
- Краток здив или отежнато дишење
- Замор
- Болно грло
- Течење на нос
- Болки во мускулите и телото
- Главоболка
- Кај некои повраќање и пролив, иако почесто се јавуваат кај девата отколку кај возрасните
РАЗЛИКИ ВО СИМПТОМИТЕ
ГРИП
Вирусот на грипот предизивикува благи до сериозни симптоми, вклучувајќи ги и наведените во списокот.
КОВИД-19
Симптомите кои се разликуваат од грипо може да вклучуваат губење на мирисот и вкусот.
КОЛКУ Е ПОТРЕБНО ДА СЕ ЈАВАТ ПРВИТЕ СИМПТОМИ?
Сличности
Кај двете болести потребен е еден или повеќе денови од моментот на инфекција до појавта на симптомите на болеста
Разлики
Кај лице со КОВИД-19, понекогаш е потребно повеќе време да се развијат симптоми.
ГРИП
Типично е лицето да развие симптоми помеѓу 1 и 4 ден од моментот на инфекција.
КОВИД-19
Симптомите може да се развијат 5 дена од моментот на инфекција, но може да се појават и 2 дена по инфекцијата или дури по 14. ден.
КОЛКУ ДОЛГО МОЖЕ НЕКОЈ ДА ГО ШИРИ ВИРУСОТ?
Сличности
И во двата случаи, вирусот може да се пренесе на друго лице и еден ден пред да се појават какви било симптоми.
Разлики
Ако некое лице има КОВИД-19, може да биде подолго заразно од лице кое има грип.
ГРИП
Постарите деца и возрасните ќе бидат опасни за другите во првите 3-4 дена од болеста, иако тоа може да трае и до 7 дена.
КОВИД-19
Сè уште не се познати сите податоци, но можно е пациентите да се заразни 2 дена пред појавата на симптомите и 10 дена по појавата на првите симптоми.
КОМПЛИКАЦИИ
Сличности:
Двете болести можат да резултираат со овие компликации:
- Воспаление на белите дробови
- Откажување на респираторниот систем
- Сепса
- Откажување на разни органи
- Влошување на постоечките медицински состојби
- Секундарни бактериски инфекции
- Воспаление на срцето, мозокот и мускулното ткиво
Разлики:
ГРИП
Повеќето луѓе ќе се опорават по неколку дена, но кај некои може да се јават и последиците наведени погоре.
КОВИД-19
Покрај овие симптоми, компликациите може да вклучуваат:
- Затнување на крвните садови
- Мултисистемски воспалителен синдром кај деца
