Сите знаеме дека јаткастите плодови се многу здрави, но она што можеби не сте го знаеле е дека овие вкусни грицки, особено оние во лушпа или во кора, ќе ви помогнат да ослабете. Две неодамна спроведени истражувања покажале дека во тоа посебно ќе ви помогнат ф’стаците во лушпа.
Токму ова може да биде една од најздравите грицки, тврди д-р Џејмс Пинтер, стручњак за бихевиорална исхрана на Универзитетот во Источен Илиноис. Тој докажал дека луѓето кои два пати неделно јадат ф’стаци имаат помали шанси да се здебелат и не само тоа, туку дека тие и помагаат во слабеењето. Исто така тие откриле дека луѓето кои јадат ф’стаци во лушпа, односно ги чистат пред јадење, консумираат околу 50% помалку од оние кои ги јадат излупени.
Помалку калории од останатите јаткасти плодови
Ф’стаците имаат помалку калории во споредба со останатите јаткасти плодови – порција од 30 грама има 160 калории. Во споредба со бадемите тоа значи дека може да изедете многу повеќе ф’стаци за истиот калориски износ – 49 ф’стаци имаат исто калории колку 23 бадеми.
Богати со антиоксиданти
Јаткастите плодови се нутриционистички многу важни. Ф’стаците, оревите, бадемите… сите тие се многу добри и важно е да се јадат секојдневно. Кога во прашање се ф’стаците тие имаат најмногу антиоксиданти од останатите јаткасти плодови. Зелената боја им ја дава лутеинот и зеаксантинот, кои се многу важни за здравјето (особено за здравот вид). Ф’стаците се јаткасто овошје со најмалку калории, но и најмалку маснотии.
Лушпа за бавна консумација
Во едно истражување студенти на возраст од 18 до 24 години добиле задача за време на предавањата да јадат ф’стаци. Сите тие биле под следени два дена. Првиот ден јаделе чистени ф’стаци, а вториот ден сами ги чистеле.
Истражувањето покажало дека во денот кога јаделе чистени ф’стаци, консумирале во просек околу 211 калории, а наредниот ден, кога ги лупеле сами, внеле 125 калории. Во друго истражување, кое исто така траело два дена (секој ден по 8 часа), 118 вработени на Универзитетот Мидвестерн добиле ф’стаци и можеле да ги јадат кога ќе посакаат. Секој ден им започнувал со сад со средна големина во која имало по 100 грама ф’стаци во лушпа и уште еден празен сад наменет за лушпите. Секои два часа им биле додавани по 50 грама ф’стаци. На првата група садот со лушпите не им го празнеле до крајот на денот. На втората група лушпите им ги чистеле на секои два часа.
На крајот истражувачите заклучиле дека празните лушпи всушност служат како визуелен показател за консумацијата. Испитаниците на кои лушпите им биле оставени на маса внеле 22 % калории помалку, за разлика од оние кои всушност немале евиденција колку изеле.
