Кога грицкањето нокти би било непријатно и болно, тогаш луѓето многу побрзо ќе се отргнат од оваа навика. Но, за жал: врвовите на ноктите немаат нервни завршетоци, па затоа нивното сечење и гризење н предизвикува болка.
Штетна навика
Иако од грицкање нокти до сега никој не умрел, оваа навика може да му наштети на здравјето. Размислете и сами што се се крие под ноктите.
- Фекална микрофлора. Под ноктите постои цела колонија на бактерии од дебелото црево, ентеробактерии и други бактерии присутни во цревата. Нивниот број расте по секоја посета во тоалет и допирање на ВЦ школката. Фекалните микроби постојат и на далечинските управувачи, рачките на вратите, компјутерските глувчиња, кои често се користат… При грицкање на ноктите микробите влегуваат во устата, што може да предизвика дијареа.
- Вируси. По бришењето нос, ракување или допирање разни јавни површини – на рацете се наталожуваат вируси и бактерии. Лицата кои грицкаат нокти многу почесто “се заразуваат” од вируси.
- Глисти. Ако во куќата имате мали деца кои си играат со песок, тогаш знајте дека под нивните нокти може да се кријат јајца од глисти. Тие преку рацете влегуваат во цревата, па така целото семејство може да се инфицира со нив.
- Микроби во усната шуплина. Усната шуплина не е стерилна, па така ако одгризок од ноктите остане меѓу забите и непцата, во создадената пукнатина може да се појават микроби и да предизвикаат воспаление – од гингивит до апсцес и уништување на забите.
Борете се со стресот!
Како да се одучите од грицкањето нокти? Пред се, потребно е да се борите со стресот. Легнете си во исто време, одмарајте се, занимавајте се со спорт, или едноставно одете, најдете си некое хоби… На некои лица им помага јогата или топлата бања.
Ако не ги грицкате ноктите постојано, него само кога се кршат, носете со себе турпија и ножички за маникир.
Доколку детето ги грицка ноктите, проблемот треба да се разговара со детски психолог. На повеќето деца им помага спорт, игри кои вклучуваат многу движења, разни хобија и слично… – правење фигури од пластелин, цртање или плетење.
