Кои се раните знаци на губење на слухот? Дали може да се излекува? Што можете да направите за да го заштитите вашиот слух?
Една од најраните индикации дека би можеле да имате губење на слухот е кога сте на бучно место како што е ресторан и не можете јасно да ги слушнете своите соговорници кои седат со вас на масата.
Доколку продолжите да ги прашувате вашите пријатели што кажале со нормален тон, притоа вклучувајќи ја бучавата одзади, тогаш треба да се посомневате дека би можеле да го губите слухот.
Исто така, веројатно нешто не е в ред со вашиот слух доколку имате потреба често да ја активирате јачината на звукот на вашиот телевизор или на вашиот радио приемник или уред за слушање на кој редовно слушате музика. Тоа е сериозен показател дека можеби нешто се случува со вашиот слух.
Исто така, друг показател е ако луѓето ви кажуваат дека зборувате гласно, тоа исто така може да биде индикација дека кај вас има процес на губење на слухот.
И конечно ако имате упорно ѕвонење или зуење во ушите, кое што се нарекува тинитус, тоа може да биде една од првите индикации дека го губите слухот.
Значи, ако имате некој од овие знаци, важно е да ги забележите и да го проверите вашиот слух што е можно поскоро, и да побарате помош од доктор.
Едно од најпоставуваните прашања е дали може да се излечи губењето на слухот.
Докторката Шели Чада вели дека постојат некои причини за губење на слухот што можат да се излечат. На пример, ако имате восок што го попречува звукот во каналот на увото, правејќи да се чувствувате малку блокирано или ако имате инфекција на увото. Исто така, ако се повреди тапанчето во увотоо. Тоа се работи што можат да се лекуваат со лекови или со операција, но многу други видови на губење на слухот не можат навистина да се излечат.
Она што може да се стори е дека луѓето со губење на слухот можат да комуницираат преку употреба на уреди како што се слушни помагала и кохлеарни импланти.Она што е важно за овие интервенции да бидат ефективни, е дека тие треба да бидат иницирани во најраната фаза на забалежување дека постои проблем со вашиот слух. Токму затоа, важно е редовно да се проверуваме на медицински прегледи на слухот и да ги препознаеме оние знаци на губење на слухот што веќе ги спомнавме погоре во статијата.
Што не треба да правите?! Не користете ништо за чистење на вашите уши. Не за стапчиња за чистење на ушите, иглички, и секакви други помагала кои можат да го повредат увото.
Увото е орган за самочистење. Не треба да се помага со овие предмети. И, всушност, тие можат да доведат до инфекција. Исто така нивното користење може да доведе до опструкција. Тие можат да доведат до руптура на тапанчето на увото. Она што исто така не треба да го правите е: ако имате проблем со увото да користите домашни лекови како ставање нафта во уво или слично. Ништо не ставајте во ушите, освен медицински препарати препишани од Вашиот доктор по направениот преглед.
Извор:https://www.who.int/emergencies/diseases/novel-coronavirus-2019/media-resources/science-in-5/hearing-loss
