Сетилото за мирис, односно способноста да чувствувате различни мириси може да открие нешто и за вашето здравје.
Еве зошто сетилото за мирис не би требало да го земате здраво за готово и што тоа може да открие
Ако чувствувате „чуден мирис„ може да биде знак за срцев удар
Некои луѓе имаат почувствително сетило за мирис од другите, но епизодите во кои чувствувате мирис на нешто што не е присутно – на пример, чувствувате мирис на риба кога нема риба во близина – може да биде знак за срцев удар.
Од Американското здружение на невролози велат дека тие мириси кои лицата одеднаш ќе ги почувствуваат може да се разликуваат, но дека најчесто станува збор за не баш пријатни мириси. Едно истражување покажало дека околу 6,5% од лицата на возраст од околу 40 години, може повремено да почувствуваат мириси кои всушност ги нема, и кои заради тоа се нарекуваат фантомски мириси. Иако е доста ретко, луѓето кои замислуваат дека чувствуваат мирис, всушност се во состојба пред мигрена, покажало истражување во Центарот за главоболки Montefjore. Сепак, и овие замислени мириси најчесто се непријатни, а често луѓето пред мигрена замислуваат мирис на чад.
Лошото сетило за мирис може да значи рана смрт
Кај лицата кај кои низ годините сетилото за мирис значително ќе ослабне, тоа може да значи дека им е нарушено здравјето. Студија спроведена во 2014 година во Медицинскиот центар на Универзитетот во Чикаго, покажала дека лицата кои не може да детектираат одредени мириси, имаат поголем ризик од смрт во наредните пет години. Дури 39% од постарите пациенти, кои не можеле да почувствуваат мирис на портокал, цвеќе или мента, умреле во наредните пет години, во споредба со 19% лица кои имаат малку послабо сетило за мирис и 10% лица кои имаат добро сетило за мирис.
Слабо сетило за мирис може да биде знак за Алцхајмерова болест
Кога лицето не може баш добро да ги почувствува мирисите, тоа може да биде ран симптом за Алцхајмерова болест, покажала студија спроведена на Харвард. Учесниците кои имале зголемено ниво на амилоидни наслаги (протеини кои се наоѓаат во мозокот на луѓето кои страдаат од Алцхајмерова болест), а кои оствариле лоши резултати на тестот за идентификација на мириси, исто така имале и повеќе мртви клетки во мозокот. Зошто? Кога болеста ќе почне да ги убива клетките во мозокот, често убива и клетки кои се клучни за чувството за мирис.
