Додека луѓето и понатаму го доживуваат овој симптом кога се заразени со коронавирусот, со тек на времето и новите варијанти, симптомот веќе не е толку доминантен.
Симптомите на ковид и грип лесно може да се помешаат
Нови истражувања сугерираат дека губењето на чувството за мирис или вкус може да биде знак за ковид, како и сезонски болести како настинки и грип, што го отежнува идентификувањето на причината за овој проблем.
Од Центарот за контрола и превенција на болести (ЦДЦ), исто така, го наведуваат губењето на мирис или вкус како симптом и на ковид и на грип.
Покрај губењето на мирисот или вкусот, постојат неколку други знаци кои се преклопуваат помеѓу ковид и грип. Тоа вклучува:
- Треска
- Кашлица
- Болка во грлото
- Течење на носот
- Мускулна болка
- Болки во телото
- Главоболка
- Повраќање
- Дијареа
- Краток здив
- Замор
Како да разликувате некои слични знаци
Според ЦДЦ, постојат некои начини на кои слични знаци – дијареа и губење на вкус или мирис – можат да се разликуваат како знаци на ковид или грип.
ЦДЦ вели дека дијареата е „почеста кај децата со грип“, додека „може да се појави на која било возраст кај заболен од ковид“. Што се однесува до губењето на чувството за вкус или мирис, иако е присутно кај двете состојби, поверојатно е дека ќе го доживеат пациентите со ковид отколку грип.
Дали има смисла да се тестирате?
Важно е да се тестирате ако можете, за јасно да се утврди дали имате ковид или не. Во секој случај, се препорачува самоизолација за да се спречи ширење на инфекцијата.
Бидејќи повеќекратните инфекции со КОВИД-19 може да влијаат на нечие здравје и не постои 100 процентна гаранција за имунитет од претходна инфекција или вакцинација, најдобро е да избегнувате контакт со болни луѓе и да избегнувате јавни места доколку сте заразени.
