Ако сте забележале дека не чувствувате мирис на лимон, бензин или лук – имаме лоши вести за вас. Губењето на сетилото за мирис не мора да биде причина за голема грижа, но ако не ги чувствувате аромите на споменатите намирници тогаш можеби тоа би требало да биде причина за грижа.
Луѓето кои ја загубиле способноста да ги чувствуваат мирисите на лимон, бензин и лук, според анализите на научниците, се под ризик од сериозни болести.
Студијата во која учествувале 2 300 испитаници на возраст меѓу 71 и 82 години ги следела учесниците 10 години. Во текот на тој период дури половина од нив умреле, а три четвртини од починатите биле оние кои го загубиле сетилото за мирис. Губењето на сетилото за мирис е поврзано со Паркинсонова и Алцхајмерова болест затоа што ваквите состојби во организмот ја убиваат способноста на нервите за чувство за мирис. Дури 7 од 10 од луѓето кои умреле за време на студијата се чувствувале совршено здрави на почетокот.
Губењето на сетилото за мирис не значи само по себе смрт, но претставува важен симптом во организмот кој покажува дека нешто тргнало на лошо.
„Ова не е прва студија која покажала дека губењето на сетилото за мирис може да покаже ран стадиум на Алцхајмерова болест“, рекла докторката Сара Имарисио, главна научничка во Институтот за истражување на Алцхајмерови болести во Британија.
