Зачините најчесто се користат како додаток на мирис и вкус во храната, но треба да се знае дека тие имаат и голема корист за нашето здравје. Истражувањата покажуваат дека консумацијата на мали количини зачини може да направи многу за зајакнување на имунитетот. Дел од зачинските билки, кои се широко распространети на нашите простори, освен што делуваат на имунитетот, ја ублажуваат и болката, го забавуваат стареењето и спречуваат настанување на карциноми.
- Мајчина душичка– се смета за природен конзерванс, а се користи во подготовка на јадења со ориз, месо и различни сосови. Употребата на мајчина душичка се препорачува како прва помош за проблеми со варењето, а чајот и како средство за смирување
- Црвена пиперка– без разлика дали е слатка или лута, содржи извонредно многу лековити и хранливи својства како што се бета-каротен, витамини А, Б1, Б2, Б6, Е и Ц, железо, глукоза, етеричлни масла, калиум, натриум, јагленихидрати, фолна киелина, фосфор, фруктоза и друго.
- Ѓумбир– традиционален азиски зачин, кој многу повеќе се користи како лек. Одличен е за проблеми со варењето, мачнина, но помага и за симптоми на грип и настинки.
- Цимет– ова е еден од најстарите зачини со карактеристичен мирис и вкус, кој и во минатото се користел за поттикнување на искашлувањето, за намалување на слузта во белите дробови и за намалување на течењето од носот
- Лук– природниот антибиотик, еден од најдобите начини за спречување на настинки и грип и за борба со бактериите. Лукот е одличен и за срцево болните бидејќи спречува згрутчување на крвта и ја подобрува циркулацијата.
