За лековитите својства на ѓумбирот се знае многу, но дали знаете дека всушност оваа намирница не смеат да ја консумираат сите. Заради своите несакани последиви не им се препорачува на луѓето со чувствителен стомак, при температура, кај бубрежните болни…
Ѓумбирот има несакан ефект кај луѓето со чувствителен стомак и црева, а така е затоа што етеричните масла коишто се содржат во растението, ја надразнуваат лигавица, што лесно може да доведе до нарушување на дигестивниот систем.
Поради силните затоплувачки својства, ѓумбирот не се препорачува да го консумира личност која во моментот страда од висока температура, а не се препорачува ни при крвавење и во топлите летни денови.
Ѓумбирот го стимулира производството на жолчка, па затоа не се препорачува за оние кои страдаат од проблеми со црниот дроб и камен во жолчката, истото важи и за луѓето кои страдаат од хронични заболувања на бубрезите.
Прекумерената консумација на ѓумбир може да предизвика појава на осип по кожата, како и сувост, а како и секој друг зачин може да резултира и со појава на алергии.
