Истражувањата потврдуваат дека прегратката е неопходна за емоционалното, но и за физичкото зравје. Најдете време за блиски односи и негувајте ги, бидејќи топлата, блиската и нежна вербална и невербална комуникација и тоа како го подига квалитетот на живот. Истовремено, гушкањето го зајакнува имунолошкиот систем, го намалува ризикот од болести на срцето и на крвните садови. Успешно го намалува нивото на хормонот за стрес – кортизол. Затоа, кога ќе почувствувате дека ви доаѓаат стресни мигови побарајте утеха во прегратката на најблиските.
Според научните истражувања, само 30 секунди гушкање се доволни да почне да се лачи хормонот на љубовта – окситоцин. Неговото лачење во мозокот предизвикува чувство на смиреност, задоволство, нежност, сигурност и приврзаност. Тоа значи дека прегратката е многу важна на психосоматско ниво, па не е важно дали го гушкате партнерот, пријателот или член на семејството – важно да е искрено и од срце.
