Бактеријата хеликобактер пилори која е поврзана со појава на рак на желудникот, исто така може да го зголеми и ризикот од рак на дебело црево, укажува студија спроведена во САД на над 4.000 пациенти со рак на дебело црево. Но, како што истакнуваат експертите, мора да се нагласи дека овие резултати не докажуваат дека хеликобактер пилори предизвикува рак на дебелото црево. Секако, потребни се понатамошни испитувања за да тоа се утврди.
Според мислењето на стручњаците, врската помеѓу инфекциите со хеликобактер пилори и ракот е интересна, особено ако може да се искорени со едноставна примена на антибиотици.
Исто така, тие напоменуваат дека еден од четирите протеини на хеликобактер пилори – ВацА бил најсилно поврзан со зголемениот ризик од појава на рак на дебелото црево кај црната раса.
Хеликобактер пилори е микроаерофилна бактерија која обично се наоѓа во желудникот, Откриена е 1982 година од страна на австралискиот научник Бари Маршал и Робин Варен, кои ја откриле кај лица со хроничен гастритис и повреди на желудникот. Оваа бактерија е поврзана и со равој на оштетувања на дванаесетпалечното црево и ракот на желудник.
