Лошиот начин на живот без движење, неправилна исхрана со наследни склоности, бременост и запек предизвикуваат зголемен притисок на вените во ректумот, при што доаѓа до собирање крв и болни отоци. Оваа појава се нарекува хемороиди.
Внатрешното чувство на притисок, чешање, болни отоци, јазли кои можат да се почувствуваат и крвавење се првите симптоми кои укажуваат на појава на хемороиди. Кај честите проблеми потребно е да се побара адекватна помош, а превентивно кога проблемот ќе се повлече помага стилот на живот, особено исхраната.
Видови хемороиди
Надворешни хемороиди – сместени се по работ на анусот и се покриени со чувствителна кожа. Кога ќе се развие згрутчување се развива оток на излезот од аналниот канал, а на допир се чувствуваат како тврди и болни испакнатини. Крвават кога ќе пукнат и обично се повлекуваат после терапија за која е најдобро да се побара стручна помош.
Внатрешните хемороиди се развиваат во внатрешноста на анусот, а овој вид се препознава низ крвавење и испакнатини кои настануваат за време на празнењето. Стануваат непријатни доколку се приклештат и не можат да се вратат во аналниот канал, што предизвикува силна болка и крвавење.
Поставување на дијагнозата:
Дијагнозата ја утврдува специјализирано медицинско лице – гастроентеролог и обично вклучува рачен ректален преглед – ректално туше. Со цел да се исклучат други заболувања кои причинуваат болка и крварење од анусот (полипи, иритабилни црева или рак на дебелото црево), но и поради фактот дека внатрешните хемороиди се помеки од надворешните и потешко се дијагностицираат, потребно е да се изврши специјален преглед како аноскопија или ректоскопија.
Лекување: Освен креми, чепчиња и масти кои се користат локално, треба аналната регија да ја одржувате чиста и сува, да не се напнувате при празнење на цревата, да внесувате многу течности и да го смените начинот на исхрана и животниот стил воопшто, потоа да одбегнувате долго седење и да бидете физички активни, како и да не кревате често тешки предмети.
Оние кои боледуваат од хемороиди знаат колку симптомите се непријатни и дека оваа состојба бара беспрекорна хигиена и чистота на интимните делови што понекогаш не е возможно. Но за среќа, постои и алтернативно решение, а лекот во продолжение е наменет за оние кои се обиделе со разно-разни чаеви, креми и таблети, но ништо не им дало резултат.
РЕЦЕПТ ЗА САМОПОМОШ
Се што ви треба е свеж, излупен компир и замрзнувач! Компирот мора да биде убав, а не зелен или из’ртен.
Начин на приготвување: Свежиот компир излупете го и исечете го на тенки стапчиња, кои потоа ќе ги ставите во замрзнувач. Стапчињата направете ги така што компирот прво ќе го исечете на тркалца, па од еден круг ќе направите стапче, односно ќе исечете парче од левата и десната страна, а она што ќе остане во средината треба да изгледа како стапче. Замрзнатите стапчиња се ставаат во аналниот отвор и тоа во првите 4 дена по само 30 секунди. Во следните 3-4 дена стапчето се остава по половина минута подолго. Русите тврдат дека со овој рецепт се излекувале многумина.
