Лабораторијата на Универзитетот Северна Каролина минатата недела излезе со истражување за тоа дека одредни лекови подобро делуваат во различен период од денот.
Тие проучувале како циркадијалниот ритам (внатерешниот билошки часовник) влијае на обновување на клетките на ДНК, процес во кој ензимите патуваат низ ДНК поправајќи ги оштетувањата што ги прави ултравиолетовото зрачење и хемиските состојки кои ја менуваат ДНК.
Разбирањето на поврзаноста на телесниот ритам и опоравувањето на ДНК е важно, будејќи постојат докази кои укажуваат дека лошото функционирање на циркадијалниот ритам е поврзано со дебелината, несоницата, епилепсијата и сезонските афективни пореметувања.
Лабораторијата истражувала како циркадијалниот ритам влијае на обновување на ДНК во текот на давањето на лекови против карцином – цисплатин. Имено, со него се лекува карцином на цврстото ткиво, како рак на тестиси, бели дробови, јајчници и дојки. Лекот го убива карциномот оштетувајќи ја ДНК на канцерогените клетки. Попатно ја оштетува и ДНК на здравите клетки, предизвикувајќи нуспојави кои лекарите лекарите ги принудува на промена на начинот на лекување. ДНК оштетувањата предизвикани со лекот се обновуваат. Успешното лекување бара таргетирање на канцерогените клетки за да им се оштети ДНК тогаш кога болните клетки се најмалку способни за репарација. Затоа, последниве десетици години научниците настојуваат да го искористат циркадијалниот ритам во одредување на времето на земањето на овој конкретен лек.
Стратегијата е давање на лекот во одредено време и надгледување што се случува, со цел да се утврди во кое време пациентот има најголем добробит од лекот со најмалку нуспојави.
Тимот од оваа лабораторија проучувал што се случува во бубрезите и црниот дроб на глувците кога примале цисплатин во текот на 24 часа. Тие откриле кој ген, причинител на карциномот, т.е. ген за превенција на карциномот се обновува во кој период од денот. Тие утврдиле кога е најдобро време за давање на хемотерапија – тогаш кога здравите клетки ефиксано ја обновуваат ДНК, а кога туморските клетки послабо се опоравуваат.
Научниците веруваат дека ова откритие ќе послужи и за лицата како би се утврдило оптималното време на давање на хемотерапија во насока на што поголем процент на преживување од карциномот.
Постапката на синхронизирано давање на лекот со циркадијалниот ритам на канцерогените клетки се нарекува кронохемотерапија.
