Водата содржи многу вредни минерали и нутритиенти кои му се потребни на нашиот организам за нормално да функционира. Пиењето вода пред спиење е еден од најдобрите начини да му помогнеме на телото да ги зачува сите лековити својства од водата кои ни помагаат да бидеме јаки и здрави.
Стручњаците за здрав живот и исхрана, како и лекарите ширум светот советуваат дека секој човек ако сака да биде здрав и витален, треба да испие минимум 1,5 литар топла вода. Човековото тело се состои во просек од 55 до 78 отсто вода. На пример, мускулите се 75 отсто од вода, мозокот 90 %, крвта 83 %, коските 22 %. На секоја клетка од нашето тело и треба вода и тоа топла.
Ваквата вода делува на:
Расположението
Докажано е дека недостатокот на вода води кон депресија, што може да доведе до пореметување на сонот. Внесот на вода значително влијае на расположението, односно луѓето кои ја внесуваат во доволни количества се посреќни, позадоволни и посмирени.
Чистење на организмот
Пиењето вода, особено млака или топла, го поттикнува варењето и детоксикацијата на организмот. Топлата вода, исто така, ја поправа циркулацијата, помага при губењето килограми, како и кај исфрлањето токсини преку потта.
Ги намалува болките
Една чаша топла вода пред спиење пружа доволно хидратација и може да ги намали болките, доколку имате стомачни проблеми. По желба, во водата може да се додаде малку лимон што ќе придонесе за подобар вкус, но и внес на витамин Ц.
Хидратација
Со чаша вода пред спиење ќе ја надоместите сета течност загубена во текот на денот. Со оглед на тоа дека нашето тело е составено од вода доволната хидрираност е од голема важност. Бидејќи додека спиеме ни треба течност, чаша вода пред спиење нивото на течности во организмот ќе го држи на задоволително ниво се до утрото.
Подобар сон
Кога пиеме вода на природен начин ги балансираме витамините, минералите и нутритиентите во организмот што на сите наши функции им помага исправно да работат. Ако пиете вода пред одење во кревет вашите хормони, нивото на енергија, мускулите и зглобовите доаѓаат во рамнотежа. Тоа ни помага да се опуштиме, а наутро ќе се чувствуваме одморно и подмладено. За време на сонот водата има време да дојде до сите делови од телото.
