Пиењето два литра вода на ден не е единствен начин да се хидрира организмот бидејќи околу 20 % од течностите се внесуваат во телото и преку храна. Овошјето и зеленчукот се богати со вода, но содржат и минерали, витамини и хранливи материи, па покрај одржување на оптимално ниво на течности, ја подобруваат комплетната состојба на организмот и ја регулираат работата на кардиоваскуларниот систем, системот на органите за варење, како и работата на имунолошкиот систем.
Краставица со тежина од 80 г содржи голем процент вода, дури преку 95 насто, а има и многу витамин Ц, а благодарение на поволниот однос на натриум и калиум спречува задржување на вода во организмот.
Дињата и праската содржат многу вода (од 80 до 92 насто) и богати се со калиум, па кога електролитите се губат со потење, калиумот и натриумот заедно работат на одржување на нивото на течности во организмот, затоа нивното консумирање помага во регулирање на пулсот и циркулацијата.
Лубеницата и лимонот можат да обезбедат дури една третина од дневните потреби за вода (една голема порција), а имаат и многу витамин Ц, чија улога во организмот е повеќекратна.
Доматот во својот состав содржи околу 95 насто вода, а богат е и со антиоксидантот ликопен, кој го намалува ризикот од канцер.
Брокулите имаат околу 90 насто вода и содржат соединенија изотиоцинати, кои ги штитат клетките од оштетувања на ДНК со различни механизми кои ги инактивираат канцерогените.
Карфиолот содржи околу 92 насто вода, одличен извор е на влакна, витамини К и Ц
