Точно е дека со туширањето се отстрануваат нечистотиите и бактериите и на тој начин се штитиме од потенцијални инфекции, но некои навики по туширањето може да го загрозат здравјето.
Дали кај вас тоа изгледа вака. Излегувате од када, површно се бришете со пешкир, се облекувате и продолжувате да ги изврпувате активностите, како и пред туширањето?
Токму таа навика, облекување облека пред да сме се исушиле целосно, не е добра идеја, бидејќи го загрозува здравјето на вагината.
“Облекувањето долна облека на сe уште влажно интимно подрачје е погодно за формирање на габични инфекции, бидејќи габите растат на влажни места. И токму поради тоа, до инфекции почесто доаѓа во текот на летото, кога жените доволно детално не се бришат по туширањето. Топлината, влагата и триењето може да доведат до иритација и потенцијална промена на пХ вредноста, што ги зголемува шансите за нагласен раст на габички и може да прерасне во клиничка инфекција“, објаснува д-р Џејсон Џејмс, од гинеколошкиот центар во Мајами.
Како да се спречи?
Ако сте во брзање и веднаш по туширањето морате да излезете, тогаш лекарот советува прво да се облече градник и блуза, па дури потоа долната облека, како би можело вагината да се исуши. Неговата препорака е да се користи само памучна долна облека, која штити од влага и која поради материјалот, не предизвикува иритација на кожата.
