ХИЈАТАЛНА ХЕРНИЈА ИЛИ “ЖЕЛУДОЧНА КИЛА“: Причина, симптоми и како да се лекува болеста од која страдаат многумина?

Некогаш хијаталната хернија ќе има поизразени симптоми, додека во повеќето случаи нема да му создава никакви проблеми на лицето.

Хијатална хернија или меѓу луѓето позната како “желудочна кила“ е испапчување на дел од желудникот низ дијафрагмата. Малата хијатална хернија не мора да има изразени симптоми, а лицето нема ни да знае дека ја има додека лекар не ја диганостицира со преглед. Од друга страна, кога хијаталната хернија е голема, може да дојде до чести жиговини, како и рефлукс, а се третира со лекови или операција.

СИМПТОМИ

Најчестите симптоми на желудочна кила се слични на оние на ГЕРБ, а тоа се:

  • Чести жиговини
  • Подигање на киселина од желудникот
  • Проблеми со голтањето
  • Болка во градите или во абдоменот
  • Отежнато дишење
  • Повраќање крв
  • Темна столица
  • Надуеност

Сепак, поголемиот процент од луѓето нема да имаат интензивни симптоми и нема да знаат дека се работи за хијатална хернија.

Хијаталната хернија е состојба при која желудникот излегува низ отворот на дијафрагмата. Понекогаш хиаталната хернија ќе има изразени симптоми, додека во повеќето случаи нема да предизвика никакви проблеми кај лицето. Доколку е потребно, се третира со промена на навиките во исхраната, одредени лекови и ретко со операција.


ШТО ПРЕДИЗВИКУВА ЖЕЛУДОЧНА КИЛА?

При оваа состојба, горниот дел од желудникот излегува во отворот на дијафрагмата. Дијафрагмата е тенка мускулна структура која ја дели градната празнина од абдоменот, а хранопроводникот и желудникот се спојуваат на нејзиниот отвор. Кај лицата кои немаат хернија, желудникот се наоѓа под дијафрагмата, додека кај лицата кои имаат хијатална хернија, желудникот ја притиска дијафрагмата и се испакнува. Кога се зголемува притисокот во абдоминалната празнина, се јавува хиатална хернија.

Точната причина за хијатална хернија е непозната. Во некои случаи, хернијата е предизвикана од промени во дијафрагмата кои се јавуваат со возраста, повреда во пределот на дијафрагмата или некоја хируршка процедура, постојан притисок врз околните мускули предизвикани од кашлање, повраќање, напрегање при извршување нужда или кревање тешки предмети. Исто така, хиаталната хернија е почеста кај луѓе над 50 години, како и кај лица со прекумерна телесна тежина и пушачи.

КАКВИ ХИЈАТАЛНИ ХЕРНИИ ПОСТОЈАТ?

Има два вида на хијатална хернија, подвижна (лизгачка) и параезофагеална хернија.

  • Лизгачка хијатална хернија

Кај овој вид, спојот на хранопроводникот и желудникот, како и дел од желудникот се наоѓаат над дијафрагмата. Исто така, ова е мала хернија која најчесто се јавува кај луѓето. Симптомите не мора да бидат присутни и не бара посебно лекување.

  • Параезофагеална хернија

Ова не е толку чест вид на хернија, а поради нема може да дојде до болки, гушење и големи здравствени проблеми кои бараат итна операција. При оваа хернија, спојот е на вистинското место, но делот од желудникот над дијафрагмата се наоѓа веднаш до хранопроводот.

КАКО СЕ ДИЈАГНОСТИЦИРА?

Освен сама анамнеза што ќе ја земе лекарот и допирање на стомакот, хијаталната хернија се диганостицира со разни прегледи како што се: ендоскопија, рендген со пиење бариева каша или може да се открие при рендген на градниот кош.

КАКО СЕ ТРЕТИРА ХИЈАТАЛНАТА ХЕРНИЈА?

Во повеќето ситуации, оваа состојба не предизвикува проблеми, а кога ќе се појават симптоми, лекувањето се одвива со ублажување на симптомите и менување на навиките во исхраната. Исто така, лицата кои имаат прекумерна телесна тежина треба да изгубат вишок килограми и да јадат повеќе мали оброци на ден. Избегнувањето на масна, пржена и зачинета храна, кафе или алкохол, газирани пијалоци и одредени сосови, на некои им е од голема помош. Откажувањето од пушењето може да им помогне на пушачите.

Во случаи кога промената на исхраната не помага, ќе помогнат лекови препишани од лекар. Кога хијаталната хернија е голема, ќе биде потребна операција.