Розовата хималајска сол е вид на камена сол која се добива од рудник на сол во Пакистан, во подножјето на Хималаите. Се смета за еден од најчистите видови сол и и се припишуваат многу поволно здравствени ефекти. Розовата хималајска сол по својот хемиски состав е слична на кујнската сол – содржи 98 % натриум хлорид, додека остатокот го сочинуваат олигоелементи како што се калциумот, калиумот и магнезиумот кои на оваа сол и даваат светлорозова боја. Токму заради присуството на овие минерали хималајската сол има поинаков вкус од обичната. Може да се користи како и кујнската сол – при готвење, како зачин во јадењата, но и како конзерванс.
Според одделни извори, розовата хималајска сол содржи и до 84 минерали, меѓу кои се натриум, калциум, калиум, магнезиум, железо, фосфор, бакар, јод, селен, цинк итн. Но ако го исклучиме натриумот, останатите минерали сочинуваат само 2 отсто од хималајската сол, со оглед на нискиот препорачан дневен внес на сол (до 5г) тешко дека ќе внесеме значителни количества од споменатите минерали.
Исто така, одделни состојби како што се хипертензијата бараат намалување на внесот на соли т.е. внес на натриум. Хималајската сол не содржи помалку натриум од кујнската сол, но е посолена, што значи дека потребно помало количество сол за да се постигне саканиот вкус. Хималајската сол, исто така, е помалку рафинирана од кујнската и обично не содржи адитиви како што се агенсите како против згрутчување (на пример, натриум или калиум фероцијанид).
Уште една можна употреба на хималајската сол, освен како додаток во јадењата е и додавање прстофат од оваа сол во напитоците за, на пример, во текот на летните месеци или интензивните физички активности да се спречи дехидратацијата и да се одржи рамнотежата на течности во телото.
