Падот на нивото на шеќерот во крвта или хипогликемија не е симптом карактеристичен единствено за лицата со дијабетес. Нивото на шеќерот во крвта може да падне и кај здрави луѓе.
Диети, прескокнување на оброци и главоболка, може да доведат до појава на хипогликемија, бидејќи тогаш се намалува концентрацијата на глукоза во крвта, што и кај здравите лица предизвикува помало лачење на инсулин.
Симптоми се чувство на слабост, бледило, потење, силно чукање на срцето и вознемиреност. Исто така, може да дојде и до пад на концентрација, отежнат говор и конфузија.Овие симптоми најчесто се јавуваат кога нивото на шеќер во крвта ќе падне под 3 милимоли.
Луѓето на кои често им се случува да им падне нивото на шеќерот во крвта, особено наутро, мора да побараат лекарска помош. Кога хипогликемијата се јавува кај лица кои не боледуваат од дијабетес, веројатно станува збор за сериозен проблем, кој доколку не се санира на време, може да остави сериозни последици по здравјето.
Стручњаците истакнуваат дека хипогликемијата може да предизвика трајни оштетувања на клетките во мозокот.
Доколку дојде до нагло паѓање на нивото на шеќерот во крвта, потребно е брзо да се реагира и да се надомести недостатокот. Се препорачува да се испие чаша блага вода, овошен сок или да се изеде парче чоколадо. Кога се во прашање лицата со дијабегес, тие мора да имаат со себе таблети, бомбони или јаглехидрати.
