Honeymoon cystitis претставува воспаление на уринарните патишта и иако се користи зборот циститис кај ова заболување всушност не постои воспаление на бешиката, односно уринарна инфекција, туку воспаление на завршниот дел од мочниот канал (уретрата), што ги дава сите симптоми и знаци на болеста.
Hooneymoon (на англиски јазик – меден месец) се користи затоа што тегобите најчесто се јавуваат после полов однос и траат неколку дена. Значи, кај овој облик не постои уринарна инфекција во вистинска смисла, туку воспаление на уретрата. Може да е резултат на полов однос со нов партнер, партнер со кој се гледате повремено, но не секогаш е потребно да има и пенетрација, а со оралниот секс може да се пренесе стрептокока.
Како причини, значи, се наведуваат кламидија трахоматис, ешерихија коли, клебсиела пнеумонија, но и оштетувања после полов однос и користење на разни хемиски контрацепции и средства за лична хигиена. Статистичките податоци за овој облик на воспаление не се во потполност познати, но се претпоставува дека заболувањето и не е толку често. Иако најчесто се споменуваат жените, можат да заболат и мажите, иако значително поретко.
Кои се симптомите и знаците на honeymoon cystitis?
- Најчесто се јавува болка и печење за време на мокрење;
- Може да се јави чувство на болка во долниот дел од стомакот;
- Болката може да биде локализирана и во меѓичката;
- Симптомите постојат неколку дена после половиот однос, а потоа исчезнуваат;
- Може да постои промена на кожата на надворешниот дел од половите органи во вид на сува и кожа што се лупи.
ПОСТАВУВАЊЕ НА ДИЈАГНОЗАТА
Анамнезата со клиничка слика и детален објективен преглед може да помогне да се постави сомнеж за ова заболување. Лабораториските анализи се вршат рутински, како и гинеколошкиот преглед. Дополнителни и покомплицирани анализи најчесто не се неопходни.
ЛЕКУВАЊЕ:
Лекувањето подразбира примена на антибиотици, додека кај обликот кој е резултат на хемиски контрацептиви и средства за лична хигиена се спроведува со елиминирање на нивната употреба. Додека трае лекувањето се препорачува одбегнување на сексуален контакт.
