Хормонот пролактин кој најчесто се поврзува со доењето, може да има улога во намалување на ризикот од дијабетес тип 2, укажува нова студија.
Имено, воочено е дека жените кои имаат повиско ниво на хормонот пролактин, но се уште во нормални граници, имаат 27 % помал ризик од развој на дијабетес тип 2 во однос на жените кај кои нивото на овој хормон е понзиок, во нормални граници.
Пролактинот е повеќенаменски хормон и не е поврзан единствено со бременоста и со доењето, туку има важна улога во многу други биолошки функции, како метаболизмот, имунолошкото регулирање и рамнотежата на водата во организмот.
Исто така, претходни студии покажале дека пролактинот може да влијае на излачувањето на инсулин и чувствителноста на инсулин.
Но, според мислењето на стручњаците, се уште не може да се каже дека со менување на концентрацијата на хормонот пролактин може да се превенира дијабетес. Потребни се дополнителни истражувања за да тоа се потврди.
