Музиката предизвикува чувство на задоволството како најомилената храна, тврдат истражувачите од Универзитетот во Монтреал. Тие одбрале осум доброволци од 19 до 24 години, ги приклучиле на посебен скенер и ја мереле количината на хормонот допамин, како и бројот на отчукувања на срцето,телесната температура и дишењето. Се покажало дека мозокот кај лице кое паѓа во еуфорија додека слуша музика, го лачи токму овој хормон на задоволство, а слична реакција предизвикува и храната што ја сака.
Додека уживале во најомилените песни, кај испитаниците дошло до засилено лачење на допамин, во т.н. стријатум, во предниот дел на мозокот. Тие промени не се случуваат, ако музиката не им се допаѓа.
Допаминот засилено се лачи и додека јадеме, а тогаш посебно уживаме. Ист ефект на задоволство поради лачење на допамин предизвикуваат и парите.
Сепак музиката е посебна загатка, истакнуваат научниците. Утврдено е дека музиката на Моцарт особено позитивно делува на мозокот. Испитаниците кои го слушале покажале повисок степен на интелегенција на тестовите, во однос на оние кои најмногу сакаат модерна музика. Научниците веруваат дека тоа е така затоа што музиката на Моцарт има единствени математички примери, кои го активираат логичкиот дел на мозокот.
