Лошите прехранбени навики може да доведат до висок ризик од мозочен удар затоа доколку сакате да живеете поквалитетно и поздраво и да го намалите ризикот од оваа можност намалете го внесот на намирници со висок процент на масти и холестерол, како и преработена, слатка и солена храна.
Грав и грашок
Тие се одличен извор на белковини и влакна кои помагаат кај намалувањето на холестеролот и високиот крвен притисок, кои се чести виновници за мозочен удар. Имаат висок процент на фолна киселина која е добра во заштитата на мозокот.
Јаткасти плодови и семки
Уште еден одличен извор на фолна киселина. Можете да ги користите како додаток во јогурт и зобни снегулки. Слободно посипете малку семки и врз салатата. Бадемите, оревите, лененото семе, чијата, сончогледот и сусамот се богати со здрави масти, особено омега-3 масни киселини.
Риба
Одличен извор на омега-3 масни киселини. Особено се истакнуваат лососот, туната, сарделите и скушата. Неделно се препорачуваат по две порции риба, односно по 140 грама.
Житарки од цело зрно
Зоб, кафеав ориз, јачмен, просо, киноа… се само некои од житарките кои треба да ги вклучите во исхраната ако сакате значително да го намалите ризикот од мозочен удар. Житарките се добри и во борбата против други здравствени состојби како што се дебелина, дијабетес и срцеви болести.
