Сигурно дека многумина од вас секоја или скоро вечер си ветуваат дека од утре се ќе биде поинаку. Ова сценарио речиси секоја личност го имала барем еднаш во животот. И нека не ве загрижува тоа, не е ништо небично. Многумина на патот кон идеалните килограми се сретнуваат со бројни препреи, а една од најголемите е со сигурност сопствениот карактер. Можеби не сте само вие и недостатокот на мотивација главен виновник што на вагата се уште не сте ја виделе бројката за која сонувате.
Ако ви се допаѓа да размислувате за храната, односно размислувате дали би требало да го отворите она чоколадо кое сте го сокриле од самите себе и да земете „само“ една коцкичка или, пак, имате напади на желба за одредени намирници, веројатно, сте зависник. Да, добро прочитавте. Имено, истражувањата покажале дека одредени намирници можат да предизвикаат вистинска зависност, баш како и опојните средства. Иако веќе на самиот старт сте свесни дека не би требало да уживате толку во храната, се оправдувате со измислениот глад или привременото чувство на задоволство.
Се разбира, никому нема да му признаете дека токму вие сте сте го испразниле поголемиот дел од полиците на кои се кријат залихи грицки кои ги чувате за кризни ситуации.
Главни виновници за предизвикување зависности, нималку изненадувачки се: пицата, чипсот, чоколадото, сладоледот, чизбургерите, газираните пијалаци, колачите, кексот... На оваа листа е и сирењето. Нивната привлечност се крие во „магичната“ комбинација на преголемо количество масти, шеќер и адитиви.
