Забите ги зајакнуваат и чуваат намирници богати со калциум како што се спанаќот, јогуртот и сардините, додека магнезиумот ги штити од кариес.
Со тек на годините киселините ја нагризуваат забната глеѓ и на нејзината површината се создаваат пукнатини, па забите ја попримаат бојата на храната и стануваат се потемни. На листата на храна и пијалаци, кои се најголема закана за белината на забите се чаевите, кафето, киселите и газирани сокови и високо пигментни намирници.
Забите се мијат половина час по оброкот
Забите најдобро е да се измијат половина час по оброците, а доколку сакате лесно да ги осветлите и да ги отстраните темните дамки од кафе, вино и други намирници, исчеткајте ги со зелена глина. Пријатели на блескавата насмевка се јогуртот, блитвата, гравот, сардините и јаболката. Во менито внесете што повеќе кромид, бидејќи го неутрализира штетното дејство на бактериите во вашата уста.
Јаболката се идеални за осветлување
Благо киселата природа на јаболкото во комбинација со нејзиното грубо и богато со влакна месо ги прави идеални намирници за чистење и осветлување на забите. Сардините се богати со калциум и фосфор, кои ќе ги зајакнат забите, а јаболката – со антиоксиданти и прехранбени влакна, ги чистат забите и ги тренираат мускулите задолжени за џвакање.
Магнезиум
Забите отпорни на кариес имаат во просек двојно повеќе магнезиум. Извори се зелениот зеленчук, производи од интегрално брашно, млеко, јајца, риба, мешунки, школки, јаткасти плодови, месо и житарки со цели зрна.
