Ако ви останала храна којашто не сакате да ја фрлите, ставете ја на ладно и следниот ден подгрејте ја. Но пред да го направите тоа, добро е да знаете кои намирници не смеат да се подгреваат. Не е потребно да се напоменува дека подгревањето на храната не е препорачливо, бидејќи тогаш се отпуштаат сите токсични споеви. Тоа, според нутиционистите, посебно се однесува на следниве намирници:
Спанаќ, цвекло, целер и репка – во себе содржат нитрати кои под дејство на микроорганизмите и загревањето преоѓаат во спој на нитрати – нитрозамини кои се многу штетни и канцерогени. Спанаќот е најризичен во оваа група и секогаш консумирајте го во строго свеж облик или веднаш по готвењето.
Печурките поради своите протеини лесно се менуваат и стануваат штетни. Препорачливо е малку да се загреат на температура до 70 степени Целзиусови.
Компирот, исто така, спаѓа во токсичната група на намирници кои по загревањето ги губат своите нутритивни својства. Најновите истражувања покажуваат дека компирот е најздрав варен, но оладен. Имено, кога се лади во компирот доаѓа до зголемување на уделот на отпорниот скроб кој има пробиотско дејство.
Месото со загревањето му станува непознато на нашето тело, поради промените во составот на протеините. Кога протеините долго се загреваат на висока температура се менува нивната структура и така променета станува непозната за нашиот организам, тешко се вари и со самото тоа станува и токсична.
